Kryesore » 2011»Maj»17 » Rexhepi dhe de Marnhac vizituan policinë kufitare në Merdar
8:19 PM
Rexhepi dhe de Marnhac vizituan policinë kufitare në Merdar
Ministri i Punëve të Brendshme Bajram Rexhepi dhe shefi i EULEX-it, Xavier de Marnhac, vizituan pikën e kalimit kufitar Kosovë-Serbi, në Merdar, ku u takuan me policët kufitarë të Policisë së Kosovës dhe asaj të EULEX-it. Në këtë vizitë ishin prezentë edhe drejtori i përgjithshëm i Policisë së Kosovës, Reshat Maliqi, dhe Udo Moeller, shef i komponentës së Policisë së EULEX-it. Gjatë kësaj vizitë pune në kufirin Kosovë- Serbi, Rexhepi dhe de Marnhac u njoftuan për së afërmi me punën që po bëhet në këtë Portë nga policia kufitare.
Ministri i Punëve të Brendshme, Rexhepi dhe shefi i EULEX-it de Marnhac u shprehën të kënaqur me punën e deritanishme të policisë në këtë pikë kufitare si dhe me bashkëpunimin e policive në teren.
"Është vizitë pune së bashku me udhëheqësin e EULEX-it dhe qëllimi është që të performojmë më mirë dhe të kemi bashkëpunim të mirë”, u tha ministri Rexhepi mediave të pranishme, duke shtuar se "ekziston përkushtimi që bashkërisht të arrijmë suksese më të mëdha dhe që raporti i ardhshëm i progresit të jetë shumë më pozitiv”.
De Marnhac u tha të pranishmëve se EULEX-i është në Kosovë për të mbështetur institucionet vendore dhe që misioni është duke e bërë këtë rregullisht.
"Është e rëndësishme se ne po punojmë së bashku. Ndoshta nuk është atraktive të raportohet për këtë në media, por ne kemi policët tanë në stacione policore, polici kufitare. Gjithashtu, gjykatësit dhe prokurorët tanë punojnë së bashku me kolegët e tyre vendorë”, tha de Marnhac.
Pas Pikës së kalimit kufitar Kosovë-Serbi, në Merdar, Rexhepi dhe de Marnhac vizituan stacionin policor të Podujevës dhe Drejtorinë Rajonale të policisë kufitare në Lluzhan.
Te nderuar komentues! Duke mos dashur te cenojme opinionet tuaja, lutemi qe ato te mos permbajne fyerje dhe ofendime personale dhe te kene lidhje me shkrimin, apo temen per te cilen komentohet. Ne te kundert, nuk do te publikohen. Ju falenderojme qe na ndiqni dhe ju ftojme te vazhdoni te jeni pjese e Ks-Dardania. comments powered by Disqus
Ministri i Punëve të Brendshme Bajram Rexhepi dhe shefi i EULEX-it, Xavier de Marnhac, vizituan pikën e kalimit kufitar Kosovë-Serbi, në Merdar, ku u takuan me policët kufitarë të Policisë së Kosovës dhe asaj të EULEX-it.