Rusët e kinezët janë në mesin e popujve që, pa u pajisur me viza, nuk do të mund të hyjnë Kosovë. Kjo politikë që do të aplikohet nga Prishtina zyrtare për vendet e këtyre popujve, nuk është për shkak të mosnjohjes së pavarësisë së Kosovës, por për faktin se janë vende që potencialisht prodhojnë refugjatë. Dhe, nuk janë të vetmet vende ndaj të cilave do të aplikohet regjimi i vizave, i ka thënë të premten Kohës Ditore një burim brenda Ministrisë së Punëve të Jashtme. Por, ai nuk ka qenë në gjendje të saktësojë se kur mund të hyjë në fuqi kjo masë. "Kosova planifikon t’u qesë viza edhe disa shteteve të Afrikës, të Azisë, të Amerikës Latine dhe të Evropës Lindore”, ka thënë ky burim. "Midis tyre do të jenë edhe shtete që e kanë njohur pavarësinë e Kosovës”. Këto të dhëna Koha Ditore nuk ka mundur t’i konfirmojë në Ministrinë e Punëve të Jashtme. Zëvendësministri Ibrahim Gashi ka thënë të mos jetë shumë në rrjedha, ngaqë ka fare pak kohë që e ka marrë këtë post, ndërsa zëdhënësi i kësaj ministrie, Artan Behrami ka thënë se nuk mund të ofrojë të dhëna gjatë ditës. Se sa janë serioze këto paralajmërime, a është vendi ynë i përgatitur për vendosjen e regjimit të vizave për shtetas të huaj e të tjera lidhur me këtë iniciativë mund të gjeni më shumë në Kohën Ditore të së shtunës.
Te nderuar komentues! Duke mos dashur te cenojme opinionet tuaja, lutemi qe ato te mos permbajne fyerje dhe ofendime personale dhe te kene lidhje me shkrimin, apo temen per te cilen komentohet. Ne te kundert, nuk do te publikohen. Ju falenderojme qe na ndiqni dhe ju ftojme te vazhdoni te jeni pjese e Ks-Dardania. comments powered by Disqus
Rusët e kinezët janë në mesin e popujve që, pa u pajisur me viza, nuk do të mund të hyjnë Kosovë. Kjo politikë që do të aplikohet nga Prishtina zyrtare për vendet e këtyre popujve, nuk është për shkak të mosnjohjes së pavarësisë së Kosovës, por për faktin se janë vende që potencialisht prodhojnë refugjatë.