Paralajmërohet shtrenjtimi i bukës - 25 July 2012

Kryesore » 2012 » Korrik » 25 » Paralajmërohet shtrenjtimi i bukës

12:10 PM Paralajmërohet shtrenjtimi i bukës
Prodhuesit e bukës në Kosovë paralajmërojnë rritje të çmimit të bukës deri në 50 centë për kilogram. Disa furra veç kanë filluar t’i rrisin çmimet. Krejt kjo thonë se po vjen si pasojë e shtrenjtimit të miellit, që vetëm dy javët e fundit u ngrit për 6 centë. Rritjet i konfirmon edhe Shoqata e mullisëve.Furrtarët kanë paralajmëruar se një kilogram bukë do të kushtojë hiq më pak se 50 centë nga 30-35 centë sa është tani. Krejt kjo, për shkak të pamundësisë që Kosova vetë t’i plotësojë kërkesat me grurë dhe rritjes së çmimit të miellit në bursat ndërkombëtare.Prodhuesit kanë nisur qysh tash t’i bëjnë llogaritjet për një shtrenjtim të ri të bukës. Sipas tyre, çmimi i miellit vetëm dy javët e fundit është ngritur për 6 centë, prandaj thonë se nëse vazhdon kështu, atëherë çmimi për një kilogram bukë do të jetë 20 centë më i lartë. Aktualisht, çmimi i bukës nëpër furrat e Kosovës varion prej 30 deri në 35 centë. Shoqata e mullisëve tashmë e ka nuhatur rrezikun që sipas drejtuesve të saj, po vjen nga ngritja e çmimit të miellit nëpër bursat ndërkombëtare, shkruan Express. Ngritje të çmimit të miellit janë shënuar në Amerikë, që është eksportuesja më e madhe e grurit dhe në Francë, që është eksportuesja më e madhe për Evropë. "Jemi para një situatë që pritet shtrenjtim i çmimit të grurit që në mënyrë direkte do të ndikojë në ngritjen e çmimit të miellit dhe bukës. Tani për tani, nuk ka lëvizje të çmimit për shkak se është koha e korrjeve”, ka thënë kryetari i Shoqatës së mullisëve, Muhamet Farizi
1 2 3 4 5 Postuar nga: ksdardania \| Vlersuar: 5.0/1

Te nderuar komentues! Duke mos dashur te cenojme opinionet tuaja, lutemi qe ato te mos permbajne fyerje dhe ofendime personale dhe te kene lidhje me shkrimin, apo temen per te cilen komentohet. Ne te kundert, nuk do te publikohen. Ju falenderojme qe na ndiqni dhe ju ftojme te vazhdoni te jeni pjese e Ks-Dardania.

comments powered by Disqus

Logged in as Guest | Group "Guests"Welcome Guest | RSS