Kryesore » 2012 » Dhjetor » 4 » Xhavit Haliti:Biseda miqësh (+VIDEO)
2:15 AM
Xhavit Haliti:Biseda miqësh (+VIDEO)
Nënkryetari i Kuvendit të Kosovës, Xhavit Haliti, njëherësh edhe njëri nga politikanët më me ndikim në Partinë Demokratike të Kosovës, ka komentuar përgjimet e fundit të zyrtarëve të lartë shtetëror dhe partiak, duke thënë se ai përgjim ishte i paligjshëm dhe me qëllim përçarjen e PDK-së.Haliti ka thënë se nuk i ka pëlqyer ajo formë e komunikimit, por megjithatë i ka arsyetuar ata, duke thënë se ajo është bisedë mes miqsh, dhe është e natyrshme që miqtë të flasin edhe në atë formë.Madje, Haliti ka thënë se beson që ato që janë thënë aty, sidomos në adresë të kryetarit të Kuvendit Jakup Krasniqi, kanë qenë më shumë me humor se sa të vërteta.

"Unë nuk besoj që kryeministri Hashim Thaçi, mendon ashtu për Jakup Krasniqin. E kam fjalën për atë prapashtesën që ia ka shtuar emrin e tij”, ka thënë Haliti një një intervistë për televizionin Rrokum.

Tutje Haliti duke kritikuar veprimin e publikimit të këtyre përgjimeve, ka thënë se në çdo vend normal evropian, kjo do të konsiderohej shkelje e privatësisë, dhe do të kërkohej llogaridhënie dhe dëmshpërblim nga ata që e kanë bërë këtë.

Ai gjithashtu ka thënë se kjo nuk mund të cilësohet aferë e atij lloji sa dikush nga Qeveria të jap dorëheqje.
Haliti e ka cilësuar të paqëndrueshëm krahasimin e këtij rasti, të bërë nga Murat Jashari, me aferën amerikane Watergate.

"Njerëzit para se ta krahasonin këtë aferë me afera tjera të mëdha nëpër botë, së pari do të duhej t’i njihnin ato, e jo vetëm të shprehen ashtu. Në ato afera ka pasur shkelje të mëdha ligjore”, ka thënë Haliti.
Postuar nga: ksdardania | Vlersuar: 5.0/1
Te nderuar komentues! Duke mos dashur te cenojme opinionet tuaja, lutemi qe ato te mos permbajne fyerje dhe ofendime personale dhe te kene lidhje me shkrimin, apo temen per te cilen komentohet. Ne te kundert, nuk do te publikohen. Ju falenderojme qe na ndiqni dhe ju ftojme te vazhdoni te jeni pjese e Ks-Dardania.
comments powered by Disqus


Logged in as Guest | Group "Guests"Welcome Guest | RSS
Copyright MyCorp © 2024