Sulmohet shqiptarja nga serbët e barrikadave - 10 October 2011

Kryesore » » Sulmohet shqiptarja nga serbët e barrikadave

3:59 PM Sulmohet shqiptarja nga serbët e barrikadave
Bukurije (Esat) Krasniqi (44), banore e Lagjes së Boshnjakëve në veri të Mitrovicës, është sulmuar të hënën në mëngjes nga disa serbë, të cilët po bëjnë roje në çadrën tek barrikada mbi urë, derisa ajo ishte duke shkuar në punë në jugë të Mitrovicës."Isha duke shkuar si zakonisht në punë, kur një person doli nga tenda dhe më gjuajti me gurë në anën tjetër të urës ku isha unë, me ç’rast më goditi në këmbë”, ka thënë Krasniqi, duke shtuar se ashtu e lënduar dhe e frikësuar ka filluar të vrapojë deri në pjesën jugore, raporton RTK.Ndërkaq, për rastin në fjalë, ka reaguar edhe KMLDNJ në Mitrovicë, ku thuhet se njëri prej kriminelëve serbë, e ka gjuajtur Krasniqin me gurë, të cilën e godet në këmbën e djathtë. "KMDLNJ, Qendra Rajonale në Mitrovicë, e dënon këtë rast të sulmit të një femra nga kriminelët serbë, si dhe rastet tjera të sulmeve nga serbë që po ndodhin kohëve të fundit mbi popullatën joserbe në pjesën veriore të Mitrovicës”, citohet të ketë thënë këshilli, raporton Koha.Po ashtu KMDLNJ, Qendra Rajonale në Mitrovicë, kërkon nga organet e sigurisë - KFOR-i, EULEX-i dhe Policia e Kosovës - të cilët janë përgjegjës për lëvizje të lirë dhe siguri të qytetarëve, të zbulojnë dhe t’i arrestojnë të gjithë ata të cilët janë duke ushtruar dhunë në këtë pjesë të vendit.
1 2 3 4 5 Postuar nga: ksdardania \| Vlersuar: 3.0/1

Te nderuar komentues! Duke mos dashur te cenojme opinionet tuaja, lutemi qe ato te mos permbajne fyerje dhe ofendime personale dhe te kene lidhje me shkrimin, apo temen per te cilen komentohet. Ne te kundert, nuk do te publikohen. Ju falenderojme qe na ndiqni dhe ju ftojme te vazhdoni te jeni pjese e Ks-Dardania.

comments powered by Disqus

Logged in as Guest | Group "Guests"Welcome Guest | RSS