SHBA, “Tregtari i Vdekjes” del nga izolimi - 25 February 2012

Kryesore » » SHBA, “Tregtari i Vdekjes” del nga izolimi

1:16 PM SHBA, “Tregtari i Vdekjes” del nga izolimi
Një gjyqtar në Nju Jork ka urdhëruar autoritetet që trafikanti rus i armëve Viktor Bout të transferohet nga qelia e izolimit ku ai ka kaluar 15 muaj. Gjyqtarja Shira Scheindlin deklaroi se Bout nuk përbën rrezik për të dënuarit e tjerë dhe se për rrjedhojë transferimi i tij është i mundshëm. Bout, i njohur ndryshe me pseudonimin "Tregtari i Vdekjes”, u arrestua në Tajlandë në mars të vitit 2008, si pjesë e një operacioni sekret të qeverisë amerikane. Ai u dënua në nëntor për faktin se ishte përpjekur t’i shiste armë grupit të majtë të guerrilasve kolumbianë, FARK. Ai është mbajtur në qeli izolimi në burgun metropolitan të Manhatanit, por gjyqtarja Scheindlin deklaroi se nuk ka gjasa që Bout të ketë lidhje me terroristët apo të organizojë akte dhune në burg. Ajo tha gjithashtu se kushtet e rënda të burgimit kishin qenë të ekzagjeruara dhe se Bout ishte i rrezikshëm vetëm si një biznesmen i përfshirë në trafikun e armëve. Korrespondentët e mediave të huaja deklarojnë se vendimi është një ndërhyrje e veçantë ndaj subjektit, për të cilin normalisht duhet të vendosin autoritetet e burgut. Por avokati i Bout, Albert Dayan deklaroi se vendimi ishte një pohim se sistemi federal i burgjeve në Nju Jork lidhet me vlerësimet humane.
1 2 3 4 5 Postuar nga: ksdardania \| Vlersuar: 4.0/1

Te nderuar komentues! Duke mos dashur te cenojme opinionet tuaja, lutemi qe ato te mos permbajne fyerje dhe ofendime personale dhe te kene lidhje me shkrimin, apo temen per te cilen komentohet. Ne te kundert, nuk do te publikohen. Ju falenderojme qe na ndiqni dhe ju ftojme te vazhdoni te jeni pjese e Ks-Dardania.

comments powered by Disqus

Logged in as Guest | Group "Guests"Welcome Guest | RSS