Kryesore » 2011»Maj»31 » Marnjak: Të punohet në legjislacionin për sundimin e ligjit
8:03 PM
Marnjak: Të punohet në legjislacionin për sundimin e ligjit
Bordi bashkërendues për sundimin e ligjit ka mbajtur takimin e radhës në të cilin është diskutuar për projekt-ligjin për mbrojtjen e dëshmitarëve, draftin e Kodit Penal, përgatitjet për një ligj anti-mafia dhe zbatimin e mëtejshëm të ligjit për konfiskimin e aseteve. "Për shkak të rrethanave, ne duhet të punojmë shumë, për të kursyer kohë sa më shumë që të jetë e mundur dhe për të adresuar çështjet kryesore për sundimin e ligjit që do të reflektohen në Raportin e Progresit të Komisionit i cili do të dalë në fillim të vjeshtës", tha njëri nga anëtarët e kryesisë së bordit, shefi i EULEX-it, Ksavier de Marnjak, për të shtuar se çështjet e legjislacionit që u diskutuan duhet të zgjidhen sa më shpejt që të jetë e mundur. Anëtarët e bordit, në mesin e të cilëve edhe zëvendëskryeministri i Kosovës, Hajredin Kuçi dhe ushtrues detyre i shef-it të Zyrës Ndërlidhëse të Komisionit Evropian në Kosovë, Kaldun Sino, gjithashtu diskutuan edhe të rejat e fundit mbi databazën e të dhënave të sistemit të menaxhimit kufitar, si dhe funksionalitetin e gjykatave në veri të Kosovës.
Te nderuar komentues! Duke mos dashur te cenojme opinionet tuaja, lutemi qe ato te mos permbajne fyerje dhe ofendime personale dhe te kene lidhje me shkrimin, apo temen per te cilen komentohet. Ne te kundert, nuk do te publikohen. Ju falenderojme qe na ndiqni dhe ju ftojme te vazhdoni te jeni pjese e Ks-Dardania. comments powered by Disqus
Bordi bashkërendues për sundimin e ligjit ka mbajtur takimin e radhës në të cilin është diskutuar për projekt-ligjin për mbrojtjen e dëshmitarëve, draftin e Kodit Penal, përgatitjet për një ligj anti-mafia dhe zbatimin e mëtejshëm të ligjit për konfiskimin e aseteve.