Kryesore » 2011»Maj»9 » Jahjaga: Për shqiptarët, dielli lind në Perëndim!
8:48 PM
Jahjaga: Për shqiptarët, dielli lind në Perëndim!
Presidentja e Republikës së Kosovës, Atifete Jahjaga, në ceremoninë zyrtare për shënimin e Ditës së Evropës, të organizuar nga Ministria e Integrimit Evropian, në bashkëpunim me Ministrinë e Kulturës, Rinisë dhe Sportit, tha se integrimi i kombeve dhe i shteteve evropiane, nuk do të ndodhte kaq suksesshëm, po të mos ishte i bazuar në respektimin e vullnetit, respektimin e diversitetit dhe në kompromisin për të mirën e përbashkët.
"Të gjitha vendet që kanë kaluar nëpërmjet procesit të anëtarësimit e që sot janë anëtare të barabarta të BE-së e dinë sa sfiduese ishte kjo rrugë. E kjo sfidë është më e madhe për ne, pasi për shkak të mosnjohjes së Pavarësisë së Kosovës nga pesë shtete, Bashkimi Evropian nuk mund të flasë njëzëri karshi këtij procesi”, tha presidentja Jahjaga.
"Janë të shumta sukseset e përbashkëta të Kosovës dhe të Bashkimit Evropian, dhe ajo që duam ne, ajo që dëshirojnë të gjithë qytetarët e Kosovës, është që këto të arritura të pakthyeshme të jenë pjesë e procesit të integrimit për të eliminuar çdo mundësi të izolimit, të stagnimit apo edhe të dyshimit në realizimin e qëllimit final të anëtarësimit të Republikës së Kosovës në BE”.
"Puna dhe përpjekjet tona do të jenë në proporcion me sfidat dhe mundësitë që ofron projekti vizionar i Bashkimit Evropian, sepse populli ynë që me kohë, nëpërmjet pendës së Rilindësve është deklaruar se për Ne, dielli lind në perëndim”.
"Të gjithë qytetarët e Kosovës besojnë në këtë ideal, besojnë në rrugën euroatlantike, besojnë në Evropën dhe në miqësinë e përjetshme me Shtetet e Bashkuara të Amerikës”, ka thënë ndër të tjera presidentja e Kosovës, duke e përmbyllur fjalimin e saj me urimin për 9 Majin, Dita e Evropës
Te nderuar komentues! Duke mos dashur te cenojme opinionet tuaja, lutemi qe ato te mos permbajne fyerje dhe ofendime personale dhe te kene lidhje me shkrimin, apo temen per te cilen komentohet. Ne te kundert, nuk do te publikohen. Ju falenderojme qe na ndiqni dhe ju ftojme te vazhdoni te jeni pjese e Ks-Dardania. comments powered by Disqus
Presidentja e Republikës së Kosovës, Atifete Jahjaga, në ceremoninë zyrtare për shënimin e Ditës së Evropës, të organizuar nga Ministria e Integrimit Evropian, në bashkëpunim me Ministrinë e Kulturës, Rinisë dhe Sportit, tha se integrimi i kombeve dhe i shteteve evropiane, nuk do të ndodhte kaq suksesshëm, po të mos ishte i bazuar në respektimin e vullnetit, respektimin e diversitetit dhe në kompromisin për të mirën e përbashkët.