Gjykata e Prizrenit i ndalon minifundet! - 26 July 2012

Kryesore » » Gjykata e Prizrenit i ndalon minifundet!

11:14 PM Gjykata e Prizrenit i ndalon minifundet!
Jo çdo veshje e zakonshme, sidomos tani gjatë stinës së verës, është e përshtatshme për gjykatën, andaj Gjykata e Qarkut në Prizren ka vendosur t’iu tregojë stafit të saj dhe qytetarëve se çfarë (nuk) mund të vishet në ambientin e punës së gjykatave.Në hyrje të Gjykatës së Qarkut në Prizren, krahas shenjave parandaluese, siç janë ndalimi i pirjes së duhanit, përdorimi i telefonave mobilë apo ndalimi i mbajtjes së armëve, kësaj liste i është shtuar edhe një ndalesë.Sigurimi i gjykatës ka marrë urdhër që mos të lejojë qytetarët, por as punonjësit, të hyjnë brenda nëse nuk e respektojnë kodin e veshjes.Posterë me minifunde dhe pantallona të shkurtër, të cilave iu është bërë një iks, janë vendosur në dyer, pikërisht këto ditë të nxehta verore, kur këto veshje janë më "të zakonshme”. Administratori i kësaj gjykate, Agron Zylfiu, thotë se kjo ndalesë vlen si për stafin e gjykatës, ashtu edhe për qytetarët që kanë punë në gjykatë. "Kemi pasur raste që edhe punëtoret e gjykatës, nuk kanë pasur kod të veshjes si duhet. Duhet të kemi një kod veshje, duhet ditur se po hyjmë në gjykatë, që është një institucion shumë serioz, e jo të vihet këtu sikurse me dalë në një lokal të thjeshtë”, i tha Zylfiu, Gazetës JnK. "Kur gjykatësit, prokurorët dhe avokatët, përveç rrobave serioze mbajnë edhe uniformat përkatëse gjatë seancave gjyqësore, pse të tjerët nuk janë në gjendje të paktën të vishen ashtu si duhet dhe ta respektojnë këtë institucion”, ka shtuar ai. Nga praktikat e së kaluarës, ka pasur raste që palët kanë ardhur me veshje jo të duhura në gjykatë. Madje, Zylfiu tregon se ka pasur raste që gjykatësit i kanë detyruar palët që të shkojnë të vishen me rroba më serioze, e pastaj të vijnë në gjykim.
1 2 3 4 5 Postuar nga: ksdardania \| Vlersuar: 3.0/1

Te nderuar komentues! Duke mos dashur te cenojme opinionet tuaja, lutemi qe ato te mos permbajne fyerje dhe ofendime personale dhe te kene lidhje me shkrimin, apo temen per te cilen komentohet. Ne te kundert, nuk do te publikohen. Ju falenderojme qe na ndiqni dhe ju ftojme te vazhdoni te jeni pjese e Ks-Dardania.

comments powered by Disqus

Logged in as Guest | Group "Guests"Welcome Guest | RSS