Tiranë - Aleanca Kuq e Zi reagoi sot pas deklaratës së ish-koordinatori të Paktit të Stabilitetit për Evropën Juglindore, Erhard Busek, i cili në një prononcim për KTV-në, tha se Prishtina dhe Beogradi duhet të nisin bisedimet për ndarjen.

"Kufijtë e Kosovës nuk janë çështje pazaresh. Mbështesim projektin amerikan për Kosovën”, thuhet në reagimin e Aleancës."Propozimi i Busek nuk është konstruktiv për rajonin. Prioritet duhet të jetë stabiliteti në rajon. Shkëmbimi i territoreve nuk siguron stabilitet ”, thekson AK.Pos ndarjes, Busek përmendi edhe shkëmbimin e territoreve. Sipas tij për një zgjidhje më të qëndrueshme në Ballkan Lugina e Preshevës duhet t’i bashkohet Kosovës, e veriu i Kosovës Serbisë. "Jam i bindur që në fund të fundit nëse asgjë nuk do të jetë e mundur, atëherë ndarja është zgjidhje”, ka thënë Busek