Kryesore » 2012 » Shkurt » 24 » Jahjaga e quan hap pozitiv arritjen e marrëveshjeve
Te nderuar komentues! Duke mos dashur te cenojme opinionet tuaja, lutemi qe ato te mos permbajne fyerje dhe ofendime personale dhe te kene lidhje me shkrimin, apo temen per te cilen komentohet. Ne te kundert, nuk do te publikohen. Ju falenderojme qe na ndiqni dhe ju ftojme te vazhdoni te jeni pjese e Ks-Dardania. comments powered by Disqus |
|
|||||
Copyright MyCorp © 2024 |
||||||
Presidentja e Republikës së Kosovës, Atifete Jahjaga, e ka vlerësuar pozitivisht arritjen e marrëveshjeve në Bruksel ndërmjet Republikës së Kosovës dhe Republikës së Serbisë të ndërmjetësuar nga Bashkimi Evropian për përfaqësimin në organizatat rajonale të Republikës së Kosovës dhe për menaxhimin e integruar të kufijve.Presidentja e Republikës së Kosovës përmes një deklarate vlerëson se dialogu që po zhvillohet në Bruksel ndërmjet dy shteteve sovrane dhe të pavarura, dy vende fqinje e të barabarta, ndihmon në normalizimin dhe shtendosjen e marrëdhënieve, në lehtësimin e jetës e të punës së qytetarëve dhe qarkullimin e lirë të njerëzve dhe të mallrave."Konkretizimi i rrugës evropiane për Republikën e Kosovës, me vendosjen e marrëdhënieve kontraktuale me BE-në dhe me fillimin e studimit të fizibilitetit për Marrëveshjen e Stabilizim Asociimit, do të përshpejtojë integrimin e Kosovës në BE dhe do të mundësojë thellimin dhe zbatimin e reformave në vend”, thuhet në deklaratën e presidentes Jahjaga.Sipas presidentes, Republika e Kosovës e ka të ardhmen në integrimet euroatlantike, si anëtare e Bashkimit Evropian dhe NATO-s. "Kjo rrugë e integrimeve është aspiratë e të gjithë qytetarëve të Republikës së Kosovës, pa dallim, dhe ajo nuk ka alternativë tjetër. Marrëveshjet e arritura ndihmojnë këto procese dhe sigurojnë përfaqësimin e barabartë dhe si shtet sovran të Republikës së Kosovës në organizatat dhe mekanizmat rajonalë dhe ndërkombëtarë”, thuhet në deklaratë.Presidentja e Republikës së Kosovës zonja Atifete Jahjaga i bënë thirrje të gjitha institucioneve, partive dhe subjekteve politike dhe të gjithë qytetarëve të Republikës së Kosovës që t’i japin mbështetje konkrete kësaj marrëveshjeje, të gjithë procesit të dialogut dhe rrugës së Republikës së Kosovës shtet sovran dhe i pavarur në proceset e integrimeve euroatlantike.Presidentja e Republikës së Kosovës zonja Atifete Jahjaga i falënderon Bashkimin Evropian dhe Shtetet e Bashkuara të Amerikës për gjithë ndihmën dhënë procesit të dialogut dhe arritjes së marrëveshjeve.