Ambasada e Francës në Prishtinë, përmes një komunikate për media, ka demantuar pohimet e rektorit Ibrahim Gashi se ai e ka ëmruar në krye të Aleancës Franceze Qëndrim Gashin."Z. Qëndrim Gashi u zgjodh Kryetar i Aleancës Franceze nga Kuvendi i përgjithshëm i Aleancës Franceze më 12 prill 2013. Të 8 anëtarët e tjerë që përbëjnë Këshillin Administrues të Aleancës janë gjithashtu të zgjedhur nga Kuvendi i përgjitshëm. Aleanca Franceze në Prishtinë, si të gjithë homologët e saj nëpër botë, është një shoqatë me të drejtë vendore private. Ajo është pjesë e rrjetit botëror të Aleancave franceze. Ajo kryen veprimtari për të promovuar gjuhën dhe kulturën franceze, në partneritet me Ambasadën e Francës”, thuhet në komunikatë.

"Ajo është e pavarur nga çdo institucion apo parti politike kosovare. Ajo është krejtësisht apolitike dhe në asnjë mënyrë nuk mund të instrumentalizohet për qëllime politike”.